Iba't Ibang Uri ng Tao sa Loob ng Jeepney
By: Nathaniel F. Naigan

Alin... Alin... Alin... Alin ka sa kanila? Whahaha!!!

1.)The DRIVER
Ang may hawak ng manibela na tinalo pa sa bilis ang jet fighter ng Amerika kung makapagpaandar ng dyipney nya.

2.)The kunDOCTOR
Sya yung pilit na pagkakasyahin ang mga madlang pipol hanggang magmukha nang sardinas sa siksikan sa loob.

3.)The PUTOKero
Yung lalaknit na tinalo pa ang amoy ng taong Java na hindi naligo ng more than 936, 316, 361 years and 0.1 seconds.

4.)The FREETASTE Girl
Ang babaeng walang konsiderasyon at walang sentido kumon. Alam nang hinahangin na ang buhok nya ay hindi manlang itali. Nalalamon na tuloy nung nasa likod ang mala-alambre nyang buhok. Tsk tsk. Next time ay magdala ng gunting.

5.)The GENTLEMAN
Sya yung ipapaubaya ang kanyang upuan sa mga matatanda at mga babae. Endangered nalang ang tulad namin. Haha.

6.)The MANHID
Kabaliktaran ni The Gentleman. Sahalip na magpaubaya ay magtutulog-tulugan kunwari. Haizt! Bwesit.

7.)The MANYAK
Lalaking mula ulo-cleavage-pwet-legs hanggang talampakan ang titig sa mga babaeng pasahero.

8.)The POKER
Babaeng nagsusuot ng mahahalay na damit na sya namang mas target ni The Manyak.

9.)The GIANT
Pasaherong sa sobrang laki ay pang-dalawa o tatlong kataong upuan ang sakop ng pwetan.

10.)The MICROPHONE
Siya yung makikipag-kwentuhan sa loob ng dyip na tinalo pa ang sound system sa loob ng Philippine Arena at Araneta Coliseum sa lakas ng boses.

11.)The 1, 2, 3 Masters
Sila yung mga pasaherong sasakay ngunit hindi naman nagbabayad.

12.) The HOKAGE
Galawang ninja sa pag-diskarte o pag-tsansing sa katabing babae. Yung iba'y pasimpleng aakbay samantala ang iba nama'y pasimpleng idadantay ang balikat o siko sa boobz ng katabing chikz. Haha.

13.)The ESTUDYANTES
Sila yung mga pasaherong naka-uniform na nagbabasa habang umaandar ang sasakyan. Mukha bang library ang dyip? At FYI, nakakapagpalabo ng mata ang pagbabasa habang nasa umaandar ng bihikulo.

14.)The P.D.A. Couple
Sila yung mag-partner na kulang nalang ay gawin nang SOGO Hotel anug loob ng dyip. Akbay, yakap, himas at halik. Eng tetee? Babyahe o magsi-sex? Tsk tsk.

15.)The CRUSH
Siya yung inaabangan ng ibang pasahero na makasabay para makumpleto ang buhay. Maaaring gwapo o maganda o matalino o mabait. Basta madalas patagong tinititigan ni The Stalker. Haha.

16.)The STALKER
Sya yung malanding pasaherong palihim na pinagpapantasyahan ang kapwa pasahero na si The Crush. Haha. At napapakanta ng "PANGARAP LANG KITA" ni Ed Sheeran.

17.)The TAGA-ABOT
Ang kaawa-awang nilalang na nangangawit na ang kamay kakaabot ng pamasahe ng madlang pipol at syang nagsisisi kung bakit pa sya umupo sa malapit sa driver. Haha.

18.) The CHINA
Yung aangkinin ang ipinaabot na pamasahe kahit hindi naman sa kanya. Tsk Tsk.

19.)The RICH
Ang bwesit na ayaw makatabi ang mga mababang uri ng tao, patagilid umupo habang naka-de kwatro, ayaw mag-abot ng pinapaabot na pamasahe ng iba. Sya rin yung epal na kung makapag-display ng mga cellphone, ipod, tablet, at iba pang gadget ay tatlo-tatlo o apat-apat bukod pa ang mga nilalantad ng mga relo, kwentas, bracelet etc.

20.)The FEELER
Sya yung hindi naman gwapo o maganda pero hilig magpa-cute kahit mukha namang dinasaur na may pigsa mula ulo mukhang paa.

21.)The DANIEL PADILLA
Sya yung kahit sobrang init na sa loob ng sasakyan ay naka-jacket parin o kahit madilim na ay naka-sunglasses parin. Whaha.

22.)The ALIEN
Pasaherong may sariling mundo. Walang pakealam sa paligid, kumakanta nalang bigla o tumatawa nalang mag-isa. Haha. Ipa-mental hospital na yan!

23.)The FASHIONISTA
Babaeng ginawang fashion show ang loob ng dyip. Sasakay nalang, ang tagal pang umupo. Tsk tsk. Gawin pang rampahan ang jeep?

24.)The HOLY ONE
Pasaherong nagsa-Sign of the Cross sa bawat chapel na nadadaanan ng sasakyan. Sana nga lang ay bukal sa kalooban hindi yung mag-SotC lang para ipamukha sa mga makakakita na banal sya.

25.)The KABET
Literal na kabet. Sila yung mga nagsa-sakripisyong pasahero na nakasabit sa bukana, labas at bubong ng dyip. Sila yung mga taong handang salubungin ang malalakas na hampas ng hangin at init ng araw makarating lang sa nais nila paroonan. But still, LABAG SA BATAS.

Olrayt! Rak En Rul 2 Da World!

https://www.facebook.com/nathaniel.naigan

FRIENDZONED
By: Nathaniel F. Naigan



Kring! Kring! Kring!

Time Check: 1:35AM.

Whaaaaaaaaaaaa!!!!!! Sino naman ang tumatawag sa akin sa ganitong oras?

Mga walang konsiderasyon!

Walong oras ng nakaka-haggard na trabaho, tambak ang mga papeles na inasikaso, mga dokumentong pinapirmahan, stress dahil sa bwesit na traffic nung papauwi na.

Tapos ngayong nasa kalagitnaan na ako ng mahimbing na pagkakatulog, may mang-i-istorbo pa?

Hindi naman po ako nightshift na costumer services representative sa isang BPO call center! 

Calling.... Rosh Martin Luke

<Click Answer Call>

Ako: Hustisya naman, nasa kissing scene na sana kami nung pinapantasya kong artista eh! Tsk tsk.

Luke: Huhuhu

Ako: So iyakan moment na naman tayo? Diba pwedeng bukas nalang? Antok na antok pa ako eh.

Luke: Magpapakamatay na ako!

Ako: Oh, kung saan ka masaya, susuportahan kita.

Luke: Wala kang balak na pigilan ako?

Ako: ZzzzzzzzzzzzZZZZZ

Luke: Uiy, wag mo naman akong tulugan. Kailangan ko ng kausap.

Ako: Hmmmm. Mapagpeperahan ba yan?

Luke: Hindi, pero bukas libre kita ng pizza.

Ako: Sige! Ano pag-uusapan natin? Haha

Luke: Yan tayo eh! Mukha kang pagkain eh!

Ako: Haha

Luke: Hmmmm. Kilala mo si Mykalyn diba? Yung title holder sa Search for Ms. Intramurals natin.

Ako: Oo, ex-girlfriend ko yun eh.

Luke: Weeee? Pinatulan ka?

Ako: Ano ito? Insulto? Tulog na ako?

Luke: Joke lang. So ex mo nga?

Ako: No. Hindi ko sya type. Chossy ako eh.

Luke: Ikaw na!

Ako: Alangan namang ikaw.

Luke: K.

Ako: Anong problema kay Mykalyn?

Luke: Nagtapat kasi ako sa kanya na mahal ko sya kaya lang hanggang kaibigan lang daw talaga ang tingin nya sa akin. Huhu.

<insert KAIBIGAN LANG PALA lyrics by Ed Sheeran ft. Ariana Grande>

Ako: Tapos ka na kumanta?

Luke: Sorry, nadala lang ako ng emosyon.

Ako: Ginawa mo pang musical drama ang libro ko.

Luke: Serry nemen.

Ako: K.

Luke: Ano nang gagawin ko?

Ako: Ligawan mo parin ng pormal. Bisitahin mo sa bahay nila. Ligawan mo ang mga kapatid at mga magulang nya. Bigyan mo sya ng regalo. I-hatid at sunduin mo. Haranahin mo. Lahat ng pwedeng pampa-impress gawin mo para makuha mo ang loob nya. Wag kang sumuko hangga't hindi mo pa nagagawa ang lahat.

Luke: Eh nagawa ko nang lahat 'yun eh.

Ako: Atleast nagawa mo na lahat. Kapag na-realise nyang mahal ka nya pero may iba ka nang mahal, siguradong magsisisi yan dahil pinalampas ka pa nya.

Luke: Kahit na pre. Ang gusto ko parin ay maging kami.

Ako: Alam mo, ang pangarap na mahalin ka ng taong hindi ka naman kayang mahalin ay parang paghihintay na tumamis ang asin. Gamitin din sana ang utak, huwag lagi ang puso. Kaya nga nasa mas mataas na bahagi ng katawan ang utak kesa sa puso para mas mangibabaw parin ang pagpili sa laman ng isip kesa sa tibok ng damdamin. Isip2x din 'pag may time.

Luke: Eh, ang hirap naman nyan.

Ako: Alam kong madali lang itong sabihin at alam ko ring mahirap itong gawin. Pero kailangan mong subukan. Wala ka nang no choice. Lalo na't ang sitwasyon nyo ay para bang plinano na ng kapalaran at nakasulat na sa natatagong bahagi sa kasuluksulukan ng napakalawak na kalawakan, yun bang tinatawag na nakaTADHANA.

Luke: Huhuhu.

Ako: Tahan na. Alam mong marami pang babae na nasa planet Earth. Nandyan naman yung ampon ng labandera ni Tita Florencia, makapal na nga lang ang balakubak nun sa kili-kili pero pwede na 'yun.

Luke: Yuckz. Wala na bang iba?

Ako: Choosy ka pa? Wag choosy kapag hindi gwapo! Hindi mo ikakayaman yan. Basta marami pa jan. Hindi mo pa nga lang nakikita kasi masyadong nakatuon ang direksyon ng iyong paningin sa babaeng wala naman sayong pagtingin at hindi ka naman mahal.

Luke: Kailangan ba talagang ipamukha pa?

Ako: Whahaha. Peace bro!

Luke: Haha

Ako: Oh, atleast tumawa ka na.

Luke: Oo nga eh. Salamat. Tulog na ako.

Ako: Hoy! Salamat ka dyan! May bayad yun! Rememberz? Pizza! Ipa-deliver mo sa akin kapag lunch time na bukas.

Luke: Aray!

Ako: Oh, anong nangyari?

Luke: Nauntog ako. Hala, nagka-amnesia na yata ako. Sino ka? Nasaan ako? Anong pizza? Hindi ko alam ang pizza na sinabi mo? Nakalimutan ko na lahat. May amnesia ako.

Ako: K